Осум години по промовирањето на последната генерација на "БМВ серија 7", германската компанија  ја најави петтата генерација на нивниот луксузен модел, со кој сакаат да бидат знаменосци во сегментот. Однадвор е "еволиција", а внатре - "револуција". Така накратко може да се опише новата "седумка", која изобилува со многу технологија, нови мотори, намалена потрошувачка, помала емисија на ЦО2, а нуди повеќе простор, поголемо уживање во возењето, стабилност, зголемена безбедност.
Презентацијата на "БМВ серија 7" доаѓа три месеци пред промоцијата за јавност што треба да се случи на саемот во Париз во октомври. Овојпат редакцијата на "Авто Плус" имаше единствена можност да биде на презентацијата на едно од најдобрите возила во високата луксузна класа.